ABŞ-a köçmüş azərbaycanlı həkimin ETİRAFLARI
12:26 / 28.01.2021
1260
"Dünyanın harası olurda olsun ölkəmi layiqincə təmsil etməyə davam edəcəyimə söz verirəm".
Sfera.az xəbər verir ki, bunu hazırda ABŞ-da fəaliyyət göstərən azərbaycanlı həkim Yusif Hacıyev bildirib.
O, geridə qoyduğu 10 ildə atmış olduğu addımlar və gələcək planları ilə bağlı maraqlı paylaşım edib.
"Üzr istəyirəm!
Geridə qoyduğum 10 ildə
- Arxamdan gələn peşakar mütəxəssislər üçün münbit bir şərait hazırlayabilmədiyimə görə,
- Yetişdirmək istədiyim rezidentlərimə bir məktəb göstərmək yerinə, özümdən başqa bir əl və xarakter göstərmə imkanım olmadığına görə,
- Mənə verilən rəhbər vəzifəsinin realda var olmadığını anlamayıb "Don Kixot" kimi dəyirmana qarşı mübarizə apardığıma görə,
- Elm ocağında heç olmazsa bir məqalə saatımız olsun cəhdlərinə qarşı mənə manə olan eks kafedra müdirinə və bəzi qolubəylərinə qarşı tab gətirə bilmədiyimə görə,
- "Səbirli ol yaxşı olacaq" deyənləri dinləmədiyimə görə,
- Tələbələ leksiya vermək və biliklərimi daha çox insana çatdırmaq istəklərimi dilə gətirəndə, "hələ dosent deyilsən" deyən dosent və professorların bir dənə də xarici məqalələri olmadığı və əli xəstəyə dəymədiyi halda o sözləri sinəmə çəkdiyimə görə,
- Mənə ümidli olub axtaran və sonra ölkədə olmadığımı anlayıb üzülən xəstələrimə yaşatdığım hisslərə görə üzr istəyirəm!
Söz verirəm!
Gələcəkdə, qalan ömrümdə
- Bundan sonrada özümü yetişdirməyə davam edib insanlara öyrəndiklərimi verəcəyimə,
- Xəstələrimə əlimdən gələn köməyi edəcəyimə,
- Bilmədiyimi "bilmirəm" deyib bir biləndən soruşacağıma,
- Elm dünyasına bacardığım qədər faydalı olacağıma,
- Dünyanın harası olurda olsun ÖLKƏMİ layiqincə təmsil etməyə davam edəcəyimə söz verirəm!", - deyə Y.Hacıyev bildirib.
Ülvi
Sfera.az