3D çaplı peyvənd hazırlanıb - \"Daha çox qoruyacaq...\"
17:00 / 07.12.2021
804
ABŞ-da Stenford və Şimali Karolina Universitetinin
alimləri iynələrə ehtiyacı aradan qaldıran 3D çaplı peyvənd hazırlayıblar.
Sfera.az xəbər verir ki, Şimali Karolina
Universitetindən verilən açıqlamada, iki
universitetin alimlərinin birgə işi ilə əldə edilən 3D çaplı peyvəndin
insanların həkimə müraciət
etmədən istifadə edə biləcəyi və bu peyvəndlərin xüsusi
saxlama şəraiti tələb etmədiyi qeyd olunub.
Stenford Universitetinin professoru Cozef M. DeSimone :
"Biz bu texnologiyanı inkişaf etdirdikcə, vaksinlərin daha az dozada, ağrısız şəkildə daha sürətli tətbiq ediləcəyini hədəfləyirik", -
deyə bildirib.
3D texnikası ilə sarğıya bənzəyən nazik yamaq üzərinə
çap oluna bilən peyvəndin yamaqdakı mikro iynələr sayəsində dəri altına keçə
biləcəyi, və şprisə ehtiyac olmadığı diqqətə çatdırılıb.
Bundan əlavə, 3D texnikası ilə tətbiq edilən peyvəndin
ənənəvi iynə ilə vurulan peyvənddən daha çox qorunma təmin edə biləcəyini izah
edən elm adamları, qrip, qızılca, hepatit və hətta koronavirus üçün mikro iynə
peyvəndlərin istifadə eilə biləcəyini söyləyib.