Son məlumatlara görə, hazırda dünyada 800.000-dən çox Covid-19 xəstəliyinə yoluxma qeydə alınıb. Cəmi 801,400 xəstə məlumdur, onlardan 170.325-i sağalıb, 38.714 nəfər isə ölüb. Yəni hazırda 592361 nəfər Covid-19-a yoluxmuş insan xəstəliklə mübarizəni davam etdirir.

Sfera.azkoronavirusun ölkələr üzrə artım və azalma statistikasını oxucularına təqdim edir.

Rusiyada ötən gün ərzində Covid 19-a yoluxanların sayı daha 500 nəfər artaraq xəstələrin ümumi sayı 2337 nəfərə çatıb. Xəstəlik ölkənin 73 bölgəsinə yayılıb. Koronavirusdan 17 xəstə ölüb, 121-i sağalıb.

Ən pis vəziyyət hazırda ABŞ-dadır - orada cəmi bir həftə ərzində xəstələrin sayı fəlakətli həddə böyüyərək 164610-a çatıb. Yəni bütün dövrlərdə pandemiyanın başlanğıc nöqtəsi olan Çindən iki dəfə çoxdur. Bunlardan 5945 nəfər sağalıb, 3170 nəfər ölüb.

İtaliya ikinci yeri tutur. Bu gün xəstəlik ölkədə 100 min həddini keçib - ölkədə cəmi 101 739 Covid-19 xəstəsi qeydə alınıb. Onlardan 14 620 nəfər sağalıb, 11591 nəfər ölüb İtaliya ölüm sayı ən çox olan ölkə olaraq qalmaqdadır, ölüm nisbəti 11.5%.

Üçüncü yerdə son bir həftə ərzində xəstələnənlərin sürətlə artdığı İspaniya qərarlaşıb. İndi ölkədə Covid-19 olan 94417 xəstə haqqında məlumat var.Bu cür dinamikanı qoruyarkən İspaniya İtaliyanı qabaqlaya bilər. Eyni zamanda, ölkə xəstəlikdən sağalmaya görə ən yaxşı nəticəni göstərir - 19 259 nəfər.Lakin ölüm nisbəti yüksəkdir - 8189 nəfər və ya 8,67%.

Çin xəstəlikdən ölüm halını tamamilə yoxa endirməkdədir. Ölkədə 82276 min Covid-19-a yoluxma qeydə alınıb. Onlardan 76204 nəfər sağalıb, 3309 nəfər ölüb. Hazırda xəstəlik sayı 2763. Hazırda Çin hakimiyyəti epidemiya üzərində qalib gəldiyini elan edib və karantin rejimni ləğv etməyə və bölgələr arasında nəqliyyat əlaqələrini bərpa etməyə başlayıb.

Almaniyada 67051 sayda Covid-19-a yoluxma qeydə alınıb. Onlardan 651-i ölüb, 13500 nəfər sağalıb. Fransada 45171 yoluxma hadisəsi qeydə alınıb, 3030 nəfər ölüb, 7964 nəfər sağalıb.

Covid-19-un ikinci mərkkəzi İranda son həftələr Covid 19-a yoluxma sürətlə artmaqdadır. Ümumilikdə İran İslam Respublikasında 44605 xəstəliyə yoluxma qeydə alınıb. Onlardan 14 656-i sağalıb, 2.988 nəfər ölüb.

İngiltərədə 22.465 Covid 19-a yoluxma qeydə alınıb.Onlardan yalnız 179-u sağalıb, 1412 nəfər ölüb. İsveçrədə 15922 Covid 19-a yoluxma qeydə alınıb. Onlardan 1823 nəfər sağalıb, 373-ü ölüb. Belçikada təxminən 12775 Covid 19-a yoluxma qeydə alınıb. Onlardan 1696 nəfər sağalıb, 705-i ölüb.

Hollandiyada təxminən 11817 Covid 19-a yoluxma qeydə alınıb. Onlardan 253 nəfər sağalıb, 865-i isə ölüb.

Türkiyədə 10827 yoluxma hadisəsi qeydə alınıb.Onlardan 162 nəfər sağalıb, 168-i ölüb. Avstriyada 9851 yoluxma hadisəsi qeydə alınıb. Onlardan 1095 nəfərsağalıb, 128-i ölüb. Cənubi Koreyada9886 xəstədən 5408-i sağalıb, 162-si ölüb.

Postsovet məkanında Ukrayna xəstəliyə yoluxmaya görəRusiyadan sonra ikinci yerdədir. Ukraynada 549 saydaxəstəliyə yoluxma halı qeydə alınıb. Onlardan 8 nəfər sağalıb, 13-ü isə ölüb. Postsovet məkanında ən pis vəziyyət 3 milyondan az əhalisi olan Ermənistandadır. Orada 532 Covid 19-a yoluxma qeydə alınıb. Onlardan 30-u sağalıb, 3-ü isə ölüb.

Orxan

Sfera.az