Bu gün müəllimlər imtahan verir
10:37 / 28.11.2015
1076
Təhsil Nazirliyi noyabrın 28 və 29-da Xaçmaz rayonun ümumtəhsil məktəblərində çalışan müəllimlərin diaqnostik qiymətləndirilməsini aparır.
Modern,az xəbər verir ki, diaqnostik qiymətləndirmədə Təhsil Nazirliyi sisteminə daxil olan ümumtəhsil müəssisələrində əsas iş yeri olaraq əmək müqaviləsi əsasında işləyən müəllimlər, müəllim-defektoloqlar və gənclərin çağırışaqədərki hazırlıq rəhbərləri iştirak edir.
Nazirlikdən bildirilib ki, imtahanda 2300-dən çox müəllimin iştirakı nəzərdə tutulur. İmtihan Xaçmaz Olimpiya Bina Kompleksində keçirilir. Bu gün və sabah keçirilən imtahan saat 08:00-dan başlayıb axşam 17:00-ə qədər davam edəcək. Müəllimlər 40-ı ixtisas, 20-i metodik suallar olmaqla 60 sualı cavablandıracaqlar.
Qeyd edək ki, təhsil nazirinin müavini Ceyhun Bayramov bildirmişdi ki, bu ilin sonuna qədər dianqostik qiymətləndirmədən keçən müəllimlərin əmək haqları 2016-ci ilin yanvarın 1-dən artırılacaq.