Özbəkistanla ovtomobil yığımı sahəsində imzalanan müqavilə bizə nə verəcək?

Özbəkistanla ovtomobil yığımı sahəsində imzalanan müqavilə bizə nə verəcək?
 Azərbaycanda Özbəkistanla birgə avtomobillərin yığılması təşkil olunacaq. Bir neçə gün əvvəl Türkdilli Dövlətlərin Əməkdaşlıq Şurasının VII Zirvə görüşü çərçivəsində Bakıda keçirilən biznes forum çərçivəsində Azərbaycanın "AzərMaş” şirkəti ilə Özbəkistanın "Uzavtosanoat” şirkəti arasında Azərbaycanda avtomobillərin yığılması barədə anlaşma memorandum imzalanıb.

Bəs bu razılıq Azərbaycana nə verəcək? Vətəndaşlarımız bu əməkdaşlıqdan keyfiyyətli və münasib qiymətli avtomobillər gözləməlidirlərmi?

Sfera.az xəbər verir ki, bununla bağlı iqtisadi məsələlər üzrə ekspert Natiq Cəfərli  yeni sabah-a danışıb:

"Əslində Azərbaycanda avtomobil istehsalı yoxdur, avtomobilin yığılması var. Avtomobil istehsalı o zaman gəlirli sahəyə çevrilir ki, avtomobillərdə istifadə olunan hissələrin sayı ən azı 25 faizi istehsal olunsun. Nə qədər ki, bu yoxdur, Azərbaycan ancaq avtomobillərin yığımı ilə məşğul ola bilər. Elə İran şirkəti də Azərbaycanda avtomobil yığımı ilə məşğuldur, Çin şirkəti də vaxtilə Naxçıvanda avtomobil istehsalı ilə məşğul olub. 

Özbəkistanla da bağlanılan müqavilə digərləri ilə bağlandığı kimidir. Özbəkistanın özünün də avtomobil istehsalı ilə bağlı təcrübəsi var. Orada " Daewo” və başqa şirkətlər də işləyiblər. Amma orada da əsasən işçi qüvvəsi olduğu üçün yığımla məşğul idilər. Özbəkistanın yerli yan sənayəsi də yoxdur ki,  detalları özü istehsal etsin. Çox zaman detallar gətirilir və avtomobillər yığılır. İndi həmin praktika Azərbaycanda da başlayacaq. Açığı, bunun uğurlu yol olduğu düşünmürəm. Əgər ölkəmiz avtomobil istehsalını inkişaf etdirmək istəyirsə, Əvvəlcə yan sənayədən başlamalıdır”. 

Ekspert Azərbaycanda avtomobil detallarının istehsalının çox vacib olduğu bildirib:

"Bəlkə də, heç avtomobilin özünü yox, böyük avtomobil şirkətləri ilə razılaşıb, avtomobillərə lazım olan detalların bir qismini Azərbaycanda istehsal etmək daha məntiqli və doğru yol ola bilər. Çünki avtomobillərdə istehsal olan detalların böyük bir qismi neft emalı nəticəsində alınır. Azərbaycanın da bu səhədə geniş təcrübəsi, bilikləri var. Neftdən alınan plastik və digər məmulatlar minik avtomobilində geniş istifadə olunur. Onların istehsalı ilə bağlı addımlar atılsa, bu həm Azərbaycanda sənayənin inkişafına, yeni iş yerlərinin yaradılmasına və həm də gəlirli sahəyə çevrilə bilərlər. 

Məsələn, Türkiyədə 15 şirkətlə müqavilə bağlayıb və avtomobil istehsalı ilə məşğuldurlar. Demək olar ki, Türkiyədə artıq avtomobilin 45%-ni özü istehsal edir və bu sahə onlara daha çox gəlir gətirir. 

Mən inamıram ki, burada keyfiyyətli və münasib qiymətli avtomobil istehsal oluna bilər və bunun az sayda istehsal olunacağını hesab edirəm”.


OXŞAR XƏBƏRLƏR

“AccessBank”dan polis əməkdaşları üçün “Nağd kredit” kampaniyası!

  "AccessBank” 2 iyul - polis işçilərinin peşə bayramı münasibətilə yeni kredit kampaniyasına start verir. "Nağd kredit” kampaniyası çərçivəsind...

“Yapı Kredi Bank Azərbaycan” iki aztəminatlı xanıma öz biznesini qurmaqda dəstək oldu

  Həssas əhali qruplarının özünüməşğulluğunun təşkilinə dəstək vermək məqsədi ilə Yapı Kredi Bank Azərbaycan cari ilin iyun ayının 30-da Sumqayıt şəhərind...

Sabahın rəsmi məzənnəsi

  Azərbaycan Respublikası Mərkəzi Bankı Manatın məzənnəsinə dair məlumat yayıb. Məlumatda bildirilir ki, 03.07.2020-ci il tarixindən etibarən Mərkəzi Ban...

Unibank əməkdaşları arasında onlayn intellektual yarışma keçirilib

  Sərt karantin rejimi günləri ilə əlaqədar əksəriyyəti distant rejimində çalışan Unibank əməkdaşları arasında "Fibonacci - onlayn” intellektual yarışması...

Azərbaycan nefti bahalaşır

  CIF bazisi üzrə İtaliyanın Auqusta limanı şərtləri ilə Azərbaycanın yüngül neftinin qiyməti iyulun 1-də 43,75 dollar/barel təşkil edib ki, bu da əvvəlki...

Azərbaycan geoiqtisadi təşəbbüsə yiyələnə bilər - Rusiyalı ekspert

  Aleksandr Karavayev Rusiya Elmlər Akademiyası İqtisadiyyat İnstitutunun elmi işçisi   Nəqliyyat və sənaye sahələrində yeritdiyi siyasətə əsaslan...