"Zaxarova rus sülhməramlılarını ifşa etdi" - Siyasi şərhçi

"Zaxarova verdiyi açıqlama ilə Rusiya sülhməramlılarının Valeri Pekresin Qarabağa qanunsuz səfərinə şərait yaratdığını etiraf etmiş oldu”.
 
Sfera.az xəbər verir ki, bunu siyasi şərhçi Turan Rzayev bildirib.  

T.Rzayev xatırladıb ki, Prezident İlham Əliyev Azərbaycan televiziyalarına son müsahibəsində Fransa prezidentliyinə namizəd Valeri Pekresin Qarabağa qanunsuz səfərinə toxunaraq, sülhməramlıların davranışlarını tənqid etmişdi. Onun fikrincə, Prezidentin həm Valeri Pekresin Qarabağa qanunsuz səfərini, həm də Rusiya sülhməramlılarının bu səfərə göz yummasını tənqid etməsi yerində və düzgün idi.

Rzayevin sözlərinə görə, məsələyə Rusiya Xarici İşlər Nazirliyinin rəsmi nümayəndəsi Mariya Zaxarovanın reaksiya verməsi də tənqidi mövqenin düzgün olduğunu sübut edir: 

"Mariya Zaxarova bildirdi ki, Laçın dəhlizi Rusiya sülhməramlılarının nəzarətindədir və sülhməramlıların xarici vətəndaşları da Qarabağa buraxmaq hüququ var. Zaxarova bu fikrini söyləyən zaman 10 noyabr bəyanatının 6-cı bəndinə istinad edir.

Ancaq razılaşmanın 6-cı bəndində "xarici vətəndaşlar” qeydi yoxdur. Əgər belə qeyd olsa idi, Azərbaycan tərəfi hər dəfə xarici vətəndaşların icazəsiz səfərinə qarşı çıxmaz, narazılığını bildirməzdi. Digər tərəfdən, Prezident İlham Əliyev də dəfələrlə çıxışında bu məsələ ilə bağlı qeyd edib ki, Qırmızı Xaç Komitəsi istisna olmaqla, heç bir beynəlxalq təşkilat nümayəndəsi Bakının icazəsi olmadan Qarabağa səfər edə bilməz”.

T.Rzayev hesab edir ki, əslində Zaxarova son çıxışı ilə Valeri Pekresin Qarabağa gizli səfərinə ruslar tərəfindən razılıq verildiyini etiraf edib və bununla Rusiyanın Qarabağa yerləşdirdiyi hərbi kontingentin öz missiyasından kənara çıxdığını, Azərbaycanın suveren hüquqlarına məhəl qoymadığını, özünü sülhməramlı deyil, işğalçı ordu kimi apardığını təsdiqləmiş olub.

Siyasi şərhçinin qənaətincə, Zaxarova bu cür açıqlaması ilə həm də Azərbaycanın Laçın dəhlizinə nəzarət etmək istəyindən narahat olduqlarını göstərir: 
"Halbuki BMT-nin qəbul etdiyi təcrübəyə əsasən, sülh əməliyyatı, sülhəməcburetmə əməliyyatından fərqli olaraq, kontingentin yerləşdiyi ölkənin suverenliyinə məhdudiyyət qoymur. Bu, yalnız BMT TŞ-nin xüsusi qətnaməsi əsasında həyata keçirilə bilər.

Sülhməramlıların vəzifəsi müvəqqəti məsuliyyət zonasında hüquq-mühafizə və təhlükəsizlik funksiyası ilə məhdudlaşır”.

Vasif
Sfera.az


OXŞAR XƏBƏRLƏR

Ərdoğandan Qərbə NÖVBƏTİ ŞOK: Qəti mövqeyini elan etdi

Rəsmi Ankara Finlandiya və İsveçin NATO-ya üzv olmasına razı olmayacaq, çünki iki ölkə respublikanın terror təşkilatlarının üzvlükdə şübhəli bilinən şəxslərin e...

“Qarabağ klanı”ndan ŞOK PLAN – Azərbaycanla bağlı bütün razılaşmalar sıradan ÇIXARILIR

Ermənistanda müxalifətin, revanşist qüvvələrin etiraz aksiyaları Bakını növbəti təxribatla üz-üzə qoyaraq, sülh danışıqlarına mane ola biləcək yeni hərbi ə...

Paşinyan Putinlə Qarabağdan danışdı

 Rusiya Prezidenti Vladimir Putin Kremldə Ermənistanın Baş naziri Nikol Paşinyanla Qarabağ müzakirə edib. Sfera.az xəbər verir ki, tərəflər eyni zamand...

Finlandiya İsveç qərarını verdi: Türkiyənin şərti nə olacaq?

Finlandiya NATO-ya qoşulacaq. Belə ki, Prezident Sauli Niinisto və baş nazir Sanna Marin rəsmi Helsinkinin müraciətini alyansa təqdim edib. Niinisto ölkəsinin N...

Mustafa Şentop Azərbaycana gəldi

Türkiyə Böyük Millət Məclisinin sədri Mustafa Şentop İqtisadi Əməkdaşlıq Təşkilatı Parlament Assambleyasının (İƏT PA) Üçüncü Ümumi Konfransında iştirak etmək üç...

İlham Əliyev Kraliça II Elizabetə Qarabağ atı hədiyyə etdi - FOTOLAR

12-15 may 2022-ci il tarixlərdə Böyük Britaniyada keçirilən ənənəvi "Vindzor Kral Atçılıq Şousu” tədbirləri çərçivəsində Böyük Britaniya və Şimali İrlan­diya Bi...