"Belə çıxır ki, Türkiyədə ölənlər bizə yaddır?" - Emin Əfəndi
Heç kəs məni qınamasın, amma bu fikirlərimi bölüşməliyəm.
Türkiyə ilə münasibətlərimizin ən yüksək səviyyədə olduğu bir dövrdə, qardaş ölkədə baş verən faciələr zamanı mediada belə başlıqlara rast gəlmək məni qıcıqlandırır:
“Boluda yanğında ölən və yaralananlar arasında Azərbaycan vətəndaşı yoxdur”.
Allaha şükür ki, yoxdur. Belə çıxır ki, orada ölənlər bizə yaddır?
Əlbəttə, anlayıram ki, biz qardaş olsaq da, müxtəlif dövlətlərik və ilk növbədə öz vətəndaşlarımızı qorumaq və onların taleyi ilə maraqlanmaq prioritetimizdir. Elə bunun üçün də müvafiq dövlət qurumlarımız fəaliyyət göstərir. Amma mənə görə, faciələrdə ilk növbədə insanlıq dayanmalıdır. Faciə millətə və ya vətəndaşlığa baxmadan, bütün insanlar üçün dərddir.
O ki qaldı qardaş faciəsinə…
Türkiyənin Bolu əyalətində yerləşən Kartalkaya xizəkçilik mərkəzində baş verən yanğında ölənlərə Allahdan rəhmət, yaralanlara isə can sağlığı diləyirəm.
Vallah, bu like və baxış yarışları birazdan bitəcək, insanlıq isə bitməməlidir...
Emin Əfəndi
Yazıları Emin Əfəndinin teleqram kanalından izləyə bilərsiniz: //t.me/efendi19
