Peskov: "Dünyada siyasi vəziyyət köklü şəkildə dəyişib"
Kateqoriya məlum deyil
Vladimir Putinin 2022-ci ilə planlaşdırılan G20 və digər sammitlərdə iştirakı barədə danışmaq hələ tezdir.
Sfera.az xəbər verir ki, bunu Kremlin sözçüsü Dmitri Peskov jurnalistlərə açıqlamasında bildirib.
Peskov qeyd edib ki, hazırda dünyada siyasi vəziyyət kəskin və köklü şəkildə dəyişib: "Ona görə də biz bəzi məsələləri yenidən təhlil edərək qiymətləndirməliyik”.
O həmçinin Rusiyanın G20 platformasından çıxarılması ilə bağlı səsləndirilən iddialara da aydınlıq gətirib. Peskov, G20-nin çoxtərəfli format olduğunu və fərqli baxışlara sahib olduğunu vurğulayıb. O, ABŞ-ın mövcud vəziyyətdə müxtəlif ölkələrə təzyiq göstərməkdə davam edəcəyini, lakin bununla belə bir sıra dövlətlərin hələ də öz müstəqil, suveren baxışı olduğunu əlavə edib.
