Dünyanın ən məşhur mesajlaşma sistemi olan "WhatsApp"da istifadəçilərini sevindirəcək yenilik var.

Sfera.az atv.az-a istinadən bildirir ki, artıq daha fərqli mətn formaları ilə mesajlaşmaq mümkün olacaq. Mətndə qalın şrift, kursiv və üstündən xətt çəkmə kimi yeni funksiyalar artıq istifadəyə verilib.

Bu prosesi tətbiq etmək üçün sözün əvvəlində və sonunda müvafiq işarələri qoymaq kifayətdir. Belə ki, qalın şriftlə yazmaq üçün (*) işarəsindən, kursiv üçün (_), üstündən xətt çəkmək üçün isə (~) simvolunu sözün (və ya hərfin) əvvəlinə və sonunda qeyd etmək tələb olunur.