“Vətəndaş vəsaitini niyə manatda saxlasın ki?” – Natiq Cəfərlidən devalvasiya xəbərdarlığı
10:52 / 08.07.2021
1986
"Hamıya aydındır ki, manat daha heç vaxt
dollar qarşısında bahalaşmayacaq”.
Sfera.az bildirir ki, bunu iqtisadçı Natiq Cəfərli
deyib. O, manatın uzun müddət sabit qalacağına inanmadığını vurğulayıb:
"Belə olan halda, vətəndaş sərbəst vəsaitini niyə
manatda saxlasın ki? Hansı məntiqlə?! Gündəlik xərcliyini manatda saxlaya bilər.
Bu doğrudur ki, cüzi məzənnə fərqinə görə uduzmasın, amma böyük məbləğdə
"qara gün" üçün yığdığı və xərcləmədiyi pulu niyə manatda saxlasın? Nədən
elə bilirlər ki, bu xalq sadəlövdür?! Xalq siyasətə qarışmasa da pul işini, gəlirini-xərcini
yaxşı bilir”.
İqtisadçı qeyd edib ki, manatın məzənnəsini
inzibati qaydada hələ 1-2 il də saxlaya bilərlər, amma sonra bu mümkün
olmayacaq:
"Məzənnə məsələsi iqtisadi elmi nəzəriyyələrə
söykənir, bu elmi yanaşmanı bir neçə il "zorlamaq" olar. Necə ki,
2005-2015 ci illər arası etdilər, sonra 3 dəfə devalvasiya yaşadıq. Amma sonda
mütləq elm zora qalib gələcək”.
Günay Rəsulqızı
