Sfera.az bildirir ki, bunu tanınmış pediatr Vaqif Qarayev deyib. Onun sözlərinə görə, yaşından asılı olmayaraq bütün uşaqlarda qızdırma, burun axıntısı, öskürək, bəzən qusma və ishal müşahidə olunur.

"Amma daha çox bağça və məktəb yaşlı uşaqlar xəstələnir. Yenə də xəstə uşaqların bağçaya və məktəbə getməsini müşahidə edirik. Bu uşaqlar təcrid olunmalıdır. Çünki həm özü gec sağalır, həm də başqalarını yoluxdurur”, - deyə mütəxəssis qeyd edib.

Onun sözlərinə görə, ilkin əlamətlər COVİD-19-a oxşadığından həkimin məsləhəti ilə yaxma verilməsi məqsədəuyğundur.