Uşaq bağçalarına ayrılan ərzaq xərcləri niyə azaldıldı? – Ekspert səbəblərdən danışdı

Uşaq bağçalarına ayrılan ərzaq xərcləri niyə azaldıldı? – Ekspert səbəblərdən danışdı


"Məktəbəqədər təhsil üçün ərzaq xərclərinin azaldılması heç də yaxşı hal deyil. Bu azalma son nəticədə uşaqların qidalanmasına mənfi təsir göstərəcək”.


Sfera.az-a açıqlamasında bu sözləri məktəbəqədər təhsil müəssisələrinə ayrılan ərzaq xərclərinin cari illə müqayisədə 2020-ci ildə 35 faiz azaldılaraq, 97,3 milyon manatdan 65 milyon manata endiriləcəyi məsələsinə münasibət bildirərkən təhsil eksperti Kamran Əsədov deyib.

 

Həmsöhbətimizin fikrincə, dövlət bu istiqamətdə öz yükünü azaltmaq qərarına gəlib: "Yaranmış vəziyyət belə deməyə əsas verir ki, dövlət bu məsələdə öz yükünü azaldıb, özəl sektorun payını artırmaqda maraqlıdır. Görünür, özəl sektora bu istiqamətdə müəyyən güzəştlər ediləcək ki, onlar uşaq bağçalarına daha keyfiyyətli və ucuz xidmət göstərə bilsin. Əks halda bağçalara ayrılan ərzaq xərclərinin 35 faiz azaldılması məktəbəqədər təhsil müəssisələrinə gələn uşaqların sayının azalmasına gətirib çıxaracaq. Bu azalma həmin sahənin maddi-texniki bazası və kadr potensialına mənfi təsir edəcək, uşaqlar üçün əlçatanlığı aşağı salacaq. 2019-cu ildə təhsilə 3 milyard manata yaxın pul ayrılıbsa, gələn il bu rəqəm artaraq 3,8 milyard manata çatdırılacaq. Belə olan halda, nədən məktəbəqədər təhsil müəssisələrinin ərzaq xərclərində azalma baş versin?”

 

Xatırladaq ki, Azərbaycanda uşaqların yalnız 25 faizi məktəbəqədər təhsil müəssisələrinə cəlb olunub. Hazırda ölkədə 1670 məktəbəqədər təhsil müəssisəsi fəaliyyət göstərir və bu müəssisələrə 123 min uşaq var.

 

 

 

Elçin

Sfera.az

OXŞAR XƏBƏRLƏR

“MƏNZİLLƏR BAHALAŞACAQ…” – Ekspert bunu şərtləndirən səbəblərdən danışdı

  "Yeni vergi sisteminə keçidlə əlaqədar tikinti şirkətləri mənzillərin qiymətində müəyyən artımlara getməyə məcbur olacaqlar”. Sfera.az-a açıqla...

Bu icra başçılarının “yuxusu ərşə çəkilib” – PA-ya daha çox hansı rayonlardan şikayətlər daxil olub?

Xəbər verdiyimiz kimi, Ağstafa Rayon İcra Hakimiyyətinin başçısı Nizaməddin Quliyev, onun birinci müavini Tatarov Ramiz dekabrın 18-də axşam saatlarında ...

“Sərhəddə nəzarəti gücləndirməliyik” – Tanınmış həkim koksaki virusunun hansı ölkədən gəldiyini açıqladı

"Koksaki virusunun yaratdığı dərin təsirlərin fərqində olmadığımız halda, ola bilər ki, həmin viruslar bir müddət sonra hansısa yeni xəstəliyin əsasını q...

Cavid Qurbanovdan xəbərdarlıq: "Evlərinizi elə yerdə tikin ki, sonradan sökülməsin..."

  "Bakıda "Şanxay” adlanan ərazidə dəmir yolu xətlərinə sıx tikilən evlərlə bağlı məsələnin həll edilməsi istiqamətində işlər aparılır”. Sfera.az-ın...

Yaşayış minimumu 190 manat, sosial yardım 160 manat olacaq

  Prezidenti İlham Əliyev 2020-ci il üçün yaşayış minimumu və ehtiyac meyarının həddi haqqında qanunları təsdiq edib. Sfera.az xəbər verir ki, 2020-...

BNA üçün hansı önəmlidir: Prezidentin göstərişləri yoxsa, maddi qazanc? - VİDEO

Ölkə başçısı İlham Əliyev paytaxt Bakının bir nömrəli probleminə çevrilmiş tıxacların aradan qaldırılması məqsədilə yolların genişləndirilməsinə dair göstəri...