“Uşağım filan ayın filan günündə doğulmalıdır...” – Həkim qeysəriyyə əməliyyatlarının artmasına görə qadınları qınadı
14:24 / 22.11.2021
813
Son illər
uşaqların təbi yolla yox, qeysəriyyə əməliyyatı ilə dünyaya gəlməsi az qala dəb
halını alıb.
Sağlamlığında
problem olan qadınlar üçün qeysəriyyə məcburi olsa da, bəzi xanımlar üçün bu
yol sadəcə, seçim şansıdır.
Sfera.az
xəbər verir ki, pediatr Vaqif Qarayev bəzi xanımların romantik olması ilə əlaqədar qeysəriyyə əməliyyatını
seçdiyini bildirib:
"Qəribə
vəziyyət yaranıb. Uşaqların əksəriyyəti cərrahi yolla dünyaya gəlir. İndi bilirəm,
hamı həkimləri qınayacaq, amma elə deyil. Xanımlarımız çox romantik olublar.
Düşünürlər ki, uşağım filan ayın filan günündə doğulmalıdır, vəssalam. Bu hava
ilə yaşayan nə qədər desəniz gənc analarımız var, etməyin! Yəni bütün hallarda
həkimi qınamaq düzgün deyi. Uşaq təbii
yolla dünyaya gəlməlidir. Uşaq o zaman sağlam olacaq. Əməliyyat üçün tibbi göstərişlər
var. Hamıda belə göstəriş olmur ki...”.
Sfera.az