Türkiyə iqtisadiyyatında nə baş verir?
16:25 / 23.03.2021
1709
"Azərbaycanın ən böyük ticarət tərəfdaşlarından
biri kimi Türkiyənin iqtisadiyyatında baş verənləri yaxından izləməyə məhkumuq.
Bizim ən böyük xarici yatırımlarımız da Türkiyədədir”.
Sfera.az xəbər verir ki, bunu
iqtisadçı-ekspert Rövşən Ağayev deyib. O bildirib ki, Türkiyə hazırda iqtisadi
təlatümlərin içərisindədir:
"Məzənnə qeyri-sabitliyi və yüksək inflyasiya
hazırda Türkiyənin ən ciddi problemlərdir. 20 ay ərzində 4 dəfə Mərkəzi
Bankının rəhbərinin dəyişməsi də bazarın həssaslığını artırır. Qlobal pandemiya
iqtisadiyyatı xidmət ixracatından asılı olan ölkə üçün əlavə ciddi problemlər
yaratdı. 2019-cu ildə cari hesabda yaranan 6.9 mlrd. USD profisiti 2020-də 36.7
mlrd. dollarlı defisit əvəzlədi. Səbəb xarici ticarət kəsirinin 2 dəfə artması,
xidmətlər balansının müsbət saldosunun 2 dəfə azalmasıdır.Mərkəzin Bankın
ehtiyatları da kritik həddə qədər azalıb, qızıl-valyuta ehtiyatlarının ümumu həcmi 90
mlrd. dollardan bir qədər çox, konkret həcmi isə daha azdır”.
"Yəni Türkiyə iqtisadiyyatının, eləcə də potensial risklərinin miqyası baxımandan son dərəcə məhdud ehtiyatlara malikdir. Ehtiyatlar ölkəni istənilən gözlənilməz iqtisadi risklərdən sığortalamaq üçün çox mühüm alətidir. Türkiyədə hazırda yaşananlar bir məqamı çox aydın göstərir: Havayı resurs pulları olmayan siyasi hakimiyyətlər üçün demokratik siyasi, rəqabətli iqtisadi sistem qurmağın alternativi yoxdur”.