Məktəb direktorlarının yerdəyişməsi nəyə hesablanıb?

Məlum olduğu kimi təhsil naziri Ceyhun Bayramovun əmri ilə S.C.Pişəvəri adına Respublika Humanitar Fənlər Gimnaziyasının direktoru olan Xuraman Osmanova Təhsil nazirinin əmri ilə Bakının 238 saylı orta məktəbinin direktoru təyin edilib. 238 saylı məktəbin direktoru İlqar Talıbov isə müvafiq əmrlə S.C.Pişəvəri adına Respublika Humanitar Fənlər Gimnaziyasının direktoru olub.

Sfera.az xatırladır ki, müəyyən zaman kəsiyində bir təhsil müəssisəsinə rəhbərlik etmiş şəxslər rotasiya qaydası ilə digər təhsil ocağına təyinat alırlar. Elə son yerdəyişmə də növbəti prosedur tələbi kimi nəzərdən keçirilməli, ölkə təhsilinin inkişafına hesablanmış addımlardan biri kimi qeyd edilməlidir.

Bildirək ki, adıçəkilən hər iki məktəb direktoru təhsil ictimaiyyətinə yaxşı tanışdır və onlar bacarıqlı pedoqoq və rəhbər kimi özlərini çoxdan təsdiqləyiblər. Bu yerdəyişmə isə təhsil müəssisələrinin idarəçiliyinə və ümumi inkişafa töhfə verəcək addım olmaqla yanaşı məktəb direktorlarına növbəti yüksək etimaddır.

Qeyd edək ki, Xuraman Osmanova keçmiş deputat Ceyhun Osmanlının anasıdır.