Məşhur kurs rus dilinin tədrisini dayandıracaq

Gələn ildən “Hədəf kursları”nda rus bölməsinə qəbul mərhələli şəkildə dayandrılacaq.

Sfera.az xəbər verir ki, bu barədə Hədəf Şirkətlər Qrupunun qurucusu, baş direktor Şamil Sadıqov məlumat verib. O bildirib ki, dünən və bu gün bir neçə valideyn övladını rus bölməsindən çıxardaraq Azərbaycan və ya ingilis bölməsinə keçirməyə qərar verib.

“Aprel ayında idarə heyətimizə təklif etdim ki, birinci sinifdən rus bölməsinə qəbulu dayandıraq, təəssüflər olsun ki, fevral-mart ayında birinci sinfə müqavilə bağlayan valideynlərimiz vardı və qərar verə bilmədik. Amma valideynlərlə danışmağı, digər bölməyə keçməyə razı olarlarsa, sinfi bağlayacağımızı da tapşırdım. Yəqin ki, gələn ildən rus bölməsinə qəbulu birinci sinifdən mərhələli şəkildə dayandıracağıq. Amma bu o demək deyil ki, rus dilinin xarici dil kimi tədrisinin əleyhinəyəm. Amma bölmə əleyhinəyəm və bunun üçün öz imkanlarım daxilində mübarizə aparıram”,- Ş.Sadıqov qeyd edib.

Onun fikrincə, Azərbaycan Respublikası Elm və Təhsil Nazirliyi ümumi bir qərar verib, digər bütün bölmələrdə Azərbaycan dilli tədrisi minumum 10-12 saata qədər qaldırmalıdır.

Firuzə Əliyeva

Sfera.az