Qarabağın dörd məktəbində "Son zəng" keçirilir

Bu gün Xankəndi, Xocalı, Cəbrayıl və Şuşada məktəblərdə "Son zəng" keçirilir.

Sfera.az xəbər verir ki, bunu elm və təhsil nazirinin müavini Həsən Həsənli "Report"un yerli bürosuna açıqlamasında deyib.

O qeyd edib ki, bu gün bütün ölkə üçün təhsil bayramıdır:

"Biz Azərbaycan vətəndaşlarını artıq müstəqil həyata hazırlayıb yola salırıq. Bu gün Xankəndi, Xocalı, Cəbrayıl və Şuşada məktəblərdə məzunlarımız var və bu günləri görmək bizə qismət olub. Biz özümüzü xoşbəxt nəsil hesab edə bilərik. Düşünürəm ki, biz gələcəkdə daha çox sayda gəncimizi orada təbrik edə biləcəyik".