Liseyin şagirdi buraxılış imtahanından 300 bal topladı - FOTO
9 mart 2025-ci il tarixində DİM tərəfindən keçirilən buraxılış imtahanından Fizika, riyaziyyat və informatika təmayüllü liseyin 11-ci sinif şagirdi İsgəndərov Emin Cabir oğlu bütün sualları doğru cavablayaraq 300 bal nəticəyə nail olub.
Sfera.az xəbər verir ki, E.İsgəndərov təhsil aldığı 11 il ərzində hər il əlaçı adına layiq görülüb.
O 9-cu sinifdə də buraxılış imtahanından 278 bal topladığı üçün ümumi orta təhsil haqqında fərqlənmə attestatına sahib olub.
E.İsgəndərovun hazırkı qiymətləri də əladır və onun orta məktəbi fərqlənmə attestatı ilə bitəcəyi gözlənilir.
Fizika, riyaziyyat və informatika təmayüllü liseyin məlumatına əsasən, E.İsgəndərov 7-ci sinifdə oxuyarkən fizika fənni üzrə gümüş medal qazanıb, 8-ci sinifdə oxuyarkən İstedadlı şagird kimi 9-cu sinif şagirdləri arasında keçirilən respublika fənn olimpiadasında final mərhələsinə qədər yüksəlib, 9-cu sinifdə isə Astronomiya olimpiadasında da gümüş medala layiq görülüb.
11-ci sinifdə oxuyarkən şagirdlər arasında keçirilən "əlaçı"verilişində də iştirak edən E.İsgəndərov blok imtahanından yüksək nəticə əldə edib. Onun arzusu Azərbaycan Tibb Universitetinə qəbul olmaqdır.
Altay
