Abituriyent cavab əvəzinə öz nömrəsini yazdı - İmtahanda KURYOZ

Bəzi imtahan iştirakçıları adını, soyadını, telefon nömrəsini və başqa bu kimi şəxsi məlumatlarını cavab kağızına qeyd edir.

Sfera.az xəbər verir ki, bunu Dövlət İmtahan Mərkəzinin Bacarıqların, vərdişlərin qiymətləndirilməsi və markerlərlə iş şöbəsinin müdiri Aydın Qasımov deyib.

A.Qasımov bildirib ki, bu hallardan biri  2-9 mart tarixlərində Dövlət İmtahan Mərkəzi (DİM) tərəfindən tam (11 illik) orta təhsil səviyyəsi üzrə buraxılış imtahanında baş verib. 

Belə ki, abituriyent, yazılı cavab tələb edən tapşırıqlardan birinin cavab bölməsində cavab əvəzinə öz əlaqə nömrəsini yazıb.

Qeyd edilib ki, həmin yazı işləri birbaşa sıfır balla qiymətləndirilir.

Firuzə Əliyeva