3 universitetimiz beynəlxalq reytinqdə yer aldı - ADLAR
Martın 12-də “Quacquarelli Symonds” reytinq agentliyi fənn sahələri üzrə dünyanın ən yaxşı universitetlərinin 2025-ci il üçün cədvəlini dərc edib.
Sfera.az xəbər verir ki, Azərbaycan universitetləri ümumilikdə 5 fənn üzrə təmsil olunub və irəliləyib.
Bakı Dövlət Universiteti “Neft-qaz mühəndisliyi” (151-175 sıralama) ixtisası üzrə təmsil olunub, o cümlədən ilk dəfə “Riyaziyyat” (501-600 sıralama) ixtisası üzrə reytinqdə yer alıb. Azərbaycan Dövlət İqtisad Universiteti “İqtisadiyyat və ekonometrika” (351-400 sıralama) və “Sosial elmlər və idarəetmə” (401-450 sıralama) ixtisasları olmaqla, 2 fənn sahəsində təmsil olunub. Azərbaycan Dillər Universiteti isə “Müasir dillər” proqramı üzrə 201-250 arası dünyanın ən yaxşı universitetinin siyahısına daxil olub.
Qeyd edək ki, sözügedən reytinq 5 indikatoru (akademik nüfuz, işəgötürənlər arasında nüfuz, məqalə üzrə istinad sayı, H-indeks və beynəlxalq elmi əməkdaşlıq indeksi) nəzərə alır.
Firuzə Əliyeva
