70 nəfər işdən çıxarıldı, 133 nəfərə töhmət verildi – RƏSMİ
Hər kəs təhsil prosesində vahid tərbiyə sisteminin qurulmasının tərəfdarıdır. Prosesin bütün ağırlığı isə məktəb direktorlarının və müəllimlərin çiynindədir. Amma neqativ hallar da bitmək bilmir. Bəzən elə məktəb rəhbərliyi və pedaqoqların özləri neqativ halların və qalmaqalların başında dayanır. İctimai narazılıq böyüyəndə isə təhsilə cavabdeh olan qurum onları vəzifələrindən kənarlaşdırır.
Maraqlıdır, 2024-cü ildə nə qədər təhsil işçisi işdən çıxarılıb?
Məktəbəqədər və Ümumi Təhsil üzrə Dövlət Agentliyindən Bizim.Media-nın sorğusuna cavab olaraq bildirilib ki, 2024-cü ildə ümumi təhsil müəssisələrində müxtəlif istiqamətlər üzrə yoxlamalar aparılıb:
“Aparılan yoxlamalar nəticəsində 70 nəfər işdən çıxarılıb, 133 nəfərə töhmət, xəbərdarlıq və şiddətli töhmət verilib.”
