"Bağçalara qəbul üçün lazım olan sənədlər də elektronlaşdırılsın" - TƏKLİF
Xəbər verdiyimiz kimi, məktəbəqədər təhsil müəssisələrinə qəbul zamanı tələb olunan sağlamlıq haqqında tibbi arayışların elektronlaşdırılması təmin edilib.
Sfera.az xəbər verir ki, mövzu ilə bağlı fikirlərini bölüşən Azərbaycan İnternet Forumunun prezidenti Osman Gündüz rahatlıq, şəffaflıq, xərclərin azaldılması və kağızdan imtina baxımından mühüm bir addım olduğunu bildirib.
Mütəxəssisin fikrincə, uşaq bağçalarına qəbul zamanı da sənədlər elektronlaşdırılmalıdır:
“Uşaq bağçalarına qəbulla bağlı Qaydalara baxanda hələlik orada digər kağız sənədlərin tələb olunduğu da görünür. Orada tələb olunan kağız sənədlər siyahısı artıq öz əhəmiyyətini itirib. Həmin sənədlər Elm və Təhsil Nazirliyinin (ETN) sistemində mövcuddur, yaxud da onun inteqrasiya olunduğu qurumlardan real vaxtda generasiya oluna bilir. Ümid edirəm, ETN "2024/2025-cü tədris ili üzrə dövlət məktəbəqədər təhsil müəssisələrinə uşaqların qəbulunun elektron qaydada aparılmasına dair TƏLİMAT" a yenidən nəzər salacaq”.
Firuzə Əliyeva
