Nazirlik 1 şagirdin 11 illik təhsilinə 20 min manat xərcləyir - Emin Əmrullayev

"Ölkədə təhsilinə 700 min manat xərclənən şagird var".

Sfera.az xəbər verir ki, bu sözləri elm və təhsil naziri Emin Əmrullayev bugünkü brifinqdə jurnalistlərin suallarını cavablandırarkən deyib.

"Azərbaycanda bir şagirdin 1 illik təhsilinə ortalama 1100 manat xərclənir. I sinifdən XI qədər bu rəqəm 20 min civarındadır. Bu məbləğ bölgəyə görə dəyişir. Məsələn, Daşkəsəndə həmin məbləğ 90 minə yaxındır. Məktəbdə 1 uşaq varsa, bu məbləğ 700 min manata çatır. Bunlar təxmini rəqəmlərdir. Daha dəqiq məbləğ araşdırılıb növbəti brifinqdə təqdim ediləcək",-nazir qeyd edib.

Firuzə Əliyeva