Emin Əmrullayev: "Məktəblərdə dərs saatını rəhbərlik və valideynlər müəyyən edə bilər"

"Valideyn və uşaq üçün dərslərin 8-də yox, 9-da başlaması uyğundursa, biz bu dəyişikliyi edə bilərik. Əsas məsələ tənzimləmələrin ümumi uyğunlaşdırılmasıdır".

Sfera.az xəbər verir ki, bu sözləri elm və təhsil naziri Emin Əmrullayev bugünkü brifinqdə jurnalistlərin suallarını cavablandırarkən deyib.

"Məktəbli avtobuslarının tətbiqi də yollardakı tıxacın azalmasına səbəb ola bilər. Eyni zamanda, məktəb rəhbərliyi və valideynlər özləri qərara gəlib hansısa məktəbdə dərsin başlama saatını müəyyən edə bilərlər. Düşünürəm ki, bunun üçün nazirliyin qərar verməsinə ehtiyac yoxdur",-nazir qeyd edib.

Firuzə Əliyeva