Magistraturaya sənəd qəbulunun vaxtı uzadılır? - DİM-dən AÇIQLAMA

Xəbər verdiyimiz kimi, magistraturaya sənəd qəbulu yekunlaşır. İmtahanda iştirak etmək üçün sənəd qəbulu bu gün saat 23:59-dək davam edəcək.

Maraqlıdır, qeydiyyat müddəti uzadıla bilərmi?

Mövzu ilə bağlı Sfera.az-a Dövlət İmtahan Mərkəzindən (DİM) verilən məlumata görə, qeydiyyat müddətinin uzadılması nəzərdə tutulmur.

Qeyd edək ki, qəbul imtahanında iştirak etmək üçün bakalavrların ərizələrinin qəbulu internet vasitəsilə aparılır.
 
Sənəd qəbulunda iştirak etmək istəyənlər (şəxsi kabineti olmayanlar) ekabinet.dim.gov.az səhifəsində “Şəxsi kabinet” yaratdıqdan sonra ərizə vermək üçün tələb olunan məbləği “Şəxsi kabinet”indəki hesabına əlavə edir. Hesaba məbləği əlavə etmək üçün ödəniş üsulları ilə epayment.dim.gov.az internet səhifəsində tanış ola bilərsiniz.
 
Daha sonra bakalavr “Şəxsi kabinet”inin istifadəçi adı və parolundan istifadə etməklə “Bakalavrın elektron ərizəsi” formasını doldurur və təsdiq edir.

Bu gün saat 15:15-ə olan məlumata əsasən, 20356 bakalavr ərizəsini təsdiq edib (Azərbaycan bölməsi - 18612; rus bölməsi - 1744).
 

Xatırladaq ki, imtahan 2025-ci il fevralın 16-da keçiriləcək. İştirakçılar "İmtahana buraxılış vərəqəsi"ni imtahana 4-5 gün qalmış çap edə biləcəklər.

Firuzə Əliyeva