"IQ" səviyyəsinə görə öndə olan ölkələr əsasən Asiya və Avropa regionlarında yerləşir.

Sfera.az bildirir ki, məlumata görə, burada təhsilin keyfiyyəti, qidalanma, sosial rifah və sağlamlıq xidmətləri yüksək səviyyədədir.

Həmin ölkələrlə bağlı məlumatı təqdim edirik:

Sinqapur, IQ ortalaması: 108 – Bu ölkənin təhsil sistemi dünya səviyyəsində yüksək göstəricilərə malikdir. Elm, riyaziyyat və texnologiya sahələrində şagirdlər qabaqcıl biliklər əldə edir.

Honq Konq, IQ ortalaması: 108 – Burada yüksək səviyyəli təhsil və yaxşı qidalanma, həmçinin rəqabətli akademik mühit insanların intellektual səviyyəsini yüksəldir.

Cənubi Koreya, IQ ortalaması: 106 - Güclü təhsil sistemi və texnologiyaya yönəlmiş iqtisadi inkişafı bu ölkəni intellektual göstəricilərdə ön sıralara çəkir.

Yaponiya, IQ ortalaması: 105 - Bu ölkə təhsil və texnologiyada innovasiyaları ilə məşhurdur. Yüksək intellektual qabiliyyətlərə malik bir cəmiyyətləri var.

Çin, IQ ortalaması: 104 – Burada akademik təhsilə və elmi araşdırmalara böyük diqqət yetirilir. Bu da əhalinin intellektual səviyyəsinin artmasına kömək edir.

İsveçrə, IQ ortalaması: 102 – Bu ölkədə sosial rifahın yüksək olması, yaxşı qidalanma və inkişaf etmiş təhsil sistemi bu göstəriciyə böyük təsir göstərir.

Tayvan, IQ ortalaması: 104 - Texnologiya və təhsilin inkişafı Tayvanı intellektual göstəricilərdə önə çəkən əsas amillərdir.

Tədqiqatçıların fikrincə, bu ölkələrin təcrübəsi göstərir ki, uzunmüddətli investisiyalar təhsilə, səhiyyəyə və qidalanmaya edildikdə, ortalama IQ səviyyəsini artırmaq mümkündür.

Günay

IQ səviyyəsinə görə öndə olan ölkələr - SİYAHI