Ümumi (9 illik) orta təhsil bazasında orta ixtisas təhsili müəssisələrinə qəbul olmaq üçün keçirilən müsabiqənin nəticələri elan olunub.

Bu barədə Sfera.az-a DİM-dən məlumat verilib.

Bildirilib ki, abituriyentlərin qəbul olunduqları təhsil müəssisələri üzrə qeydiyyatı onlayn qaydada – portal.edu.az platforması vasitəsilə aparılacaq.

Dövlət İmtahan Mərkəzi ümumi (9 illik) orta təhsil bazasında orta ixtisas təhsili müəssisələrinə qəbul olmaq üçün keçirilmiş müsabiqənin nəticələrini elan edib. Abituriyentlər müsabiqə nəticələri ilə buradan tanış ola bilərlər.

Abituriyentlər müsabiqənin nəticələri haqqında məlumatı, mobil operatorlar (Azercell, Bakcell, Nar, Naxtel) vasitəsilə “iş nömrəsi”ni 7727 nömrəsinə göndərməklə də öyrənə bilərlər.

Müsabiqənin nəticələri haqqında statistik məlumatlar aşağıdakı cədvəldə təqdim olunur:

Ümumi orta təhsil bazasında orta ixtisas təhsili müəssisələrinə qəbul olan abituriyentlərin sayı haqqında ümumi məlumat

Təhsil forması	Qəbul planı	Qəbul olunub			Qəbulolma
		Azərbaycan bölməsi	Rus bölməsi	Bölmələr üzrə cəmi	faizi
Dövlət ödənişsiz	4572	4317	182	4499	98.40
Dövlət ödənişli	5958	5510	166	5676	95.27
Özəl	400	375	25	400	100.00
Cəmi	10930	10202	373	10575	96.75

Xüsusi qabiliyyət tələb edən və etməyən ixtisaslar üzrə qəbul olunan abituriyentlərin sayı haqqında məlumat

Təhsil forması	Qəbul planı	Qəbul olunub			Qəbulolma
		Azərbaycan bölməsi	Rus bölməsi	Bölmələr üzrə cəmi	faizi
Xüsusi qabiliyyət tələb etməyən ixtisaslar	9333	8998	291	9289	99.53
Xüsusi qabiliyyət tələb edən ixtisaslar	1597	1204	82	1286	80.53
Cəmi	10930	10202	373	10575	96.75

Abituriyentlər 2024-cü il 12 – 20 avqust tarixlərində elektron qaydada qeydiyyatdan keçməlidirlər. Bunun üçün, //portal.edu.az/ platformasında qeydiyyatdan keçmək, yaradılmış kabinetə daxil olduqdan sonra təqdim edilən xidmətlər sırasında “Ali və orta ixtisas təhsili müəssisələrinə təhsilalan qeydiyyatı” xidmətini seçmək lazımdır.

Müəyyən olunmuş müddətdə qeydiyyatdan keçməmək abituriyentin müvafiq ixtisasa yerləşdirilmədən imtina etməsi kimi qiymətləndiriləcək və onun qəbul haqqında əmri orta ixtisas təhsili müəssisəsinə göndərilməyəcək.

Kolleclər üçün keçirilmiş qəbul imtahanının nəticələri ELAN EDİLDİ