Artıq bu müəllimlər də sertifikasiya imtahanında iştirak edəcəklər - RƏSMİ
"65 yaşdan sonra müəllim kimi fəaliyyət göstərmək iddiası olanların sertifikasiya imtahanında iştirakı arzuolunandır".
Sfera.az xəbər verir ki, bunu jurnalistlər üçün keçirilən müəllimlərin sertifikasiyası ilə bağlı məlumatlandırıcı sessiyada Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov deyib.
"Biz yaşlı müəllimlərimizi əlavə imtahanla yormamaq üçün onları sertifikasiyadan azad etməyi düşünürdük. Lakin bəzi hallarda müəllimlər əmək müqavilələrinin uzadılması barədə müraciət edirlər. Əmək müqaviləsinin uzadılması iddiasında olan müəllimlər əgər 65 yaşından sonra fəaliyyətini davam etdirmək istəyirlərsə, sertifikasiya imtahanı vermələri azruolunandır. Müəllimin nəticəsi barədə məlumatımız olmadıqda onların əmək müqaviləsinin uzadılması haqqında qərar verə bilmirik".
E.Bağırov qeyd edib ki, bu ayın sonu keçiriləcək imtahanda 60 yaşdan yuxarı 600 nəfərə yaxın müəllim könüllü iştirak üçün qeydiyyatdan keçib.
Firuzə Əliyeva
