"Xarici ölkələrdə azərbaycanlı tələbələrin prestiji artıb" - Həsən Həsənli + FOTOLAR

"Dövlət Proqramında təhsil alanların əsas vəzifələrindən biri yeni iş yerləri yaratmaq, ölkənin iqtisadiyyatına öz töhfəsini verməkdir".

Sfera.az xəbər verir ki, bunu bu gün ADA Universitetində keçirilən Dövlət Proqramı məzunları ilə görüşdə elm və təhsil nazirinin müavini Həsən Həsənli deyib.

"Təkcə keçən il tələbə adı qazananların 50-si dünyanın TOP10-na daxil olan universitetlərdə, qalan 300-ü isə digər yaxşı universitetlərdə təhsil alır. Xarici ölkələrdə azərbaycanlı tələbələrin prestiji artıb. Artıq xarici universitetlər daha tez qəbula imkan yaradırlar. Nəticə olaraq, hansısa ölçülə bilən göstəricilərə çatmışıq. Hesab edirik ki, gənclərimiz bu gün dünya miqyasında rəqabətə davamlıdırlar və özlərini doğruldacaqlar".

Firuzə Əliyeva

Fotolar: Anar Bayramlı