\"10 martdakı imtahan ayın 3-də keçiriləndən asan olub, bu qrupda ballar tüğyan edəcək\" - AÇIQLAMA

Dövlət İmtahan Mərkəzi tərəfindən 3 və 10 mart tarixlərində buraxılış imtahanları keçirilib.Birincidə 50 min 267, ikincidə isə 51 min 103 abituriyent iştirak edib.İmtahanlardan sonra bəziləri builki iki imtahan arasında fərqlər olduğunu iddia edib.

Məsələ ilə bağlı Sfera.az-a açıqlama verən təhsil eksperti Ramin Nurəliyev 10 mart imtahanının daha asan olduğunu təsdiqləyib.

Ekspert bildirib ki, sualların asan olması balların qalxmasına, balların qalxması da ixtisas seçimi edən bir çoxunun səhv etməsinə səbəb olacaq:

“Çünki bir çoxları ixtisas seçimini bir əvvəlki ilin keçid ballarına əsasən aparır. Bu da mövcud vəziyyətə görə çox böyük səhv ola bilər. Əgər imtahan deyildiyi kimi asan olub və abituriyentlər yaxşı yazıbsa, 5-ci qrupda və kollecdə ballar tüğyan edəcək”.

Firuzə Əliyeva