Xəbər vediyimiz kimi, 3, 10 mart tarixlərində tam (11 illik) orta təhsil, 17 mart, 7 aprel, 21 aprel tarixlərində isə ümumi (9 illik) orta təhsil səviyyəsi üzrə buraxılış imtahanları keçiriləcək.

Sosial şəbəkələrdə müzakirə olunan mövzulardan biri də şagirdlərin buraxılış imtahanında iştirak etmək üçün qeydiyyatdan keçib-keçməməli olduğudur.

Məsələ ilə bağlı Dövlət İmtahan Mərkəzindən (DİM) Sfera.az-a verilən məlumata görə, buraxılış imtahanında iştirak etmək üçün şagirdin özünün qeydiyyatdan keçməsi tələb olunmur.

Bildirilib ki, məlumatlar məktəb tərəfindən “Şagird-məzun” sisteminə daxil olunur:

“Şagirdlər imtahana bir neçə gün qalmış buraxılış vərəqəsini çap etməli və elan olunan vaxtda imtahanda iştirak etməlidirlər. Buraxılış vərəqəsi məktəb tərəfindən də çap olunub şagirdə təqdim oluna bilər”.

Firuzə Əliyeva