Magistraturaya qəbul imtahanından 2 nəfər xaric edildi
![Magistraturaya qəbul imtahanından 2 nəfər xaric edildi](https://sfera.az/photo/orginal/2024/02/11/1707653111_1182224.jpg)
16:00 / 11.02.2024
5733
Dövlət İmtahan Mərkəzi tərəfindən ali təhsil müəssisələrinin magistraturalarına qəbul imtahanı keçirilib.
DİM-dən Sfera.az-a bildirilib ki, 1 nəfər üzərində mobil telefon aşkarlandığı, 1 nəfər isə köçürməyə cəhd etdiyi üçün imtahandan xaric olunub.
Hər iki qayda pozuntusu ilə bağlı araşdırma aparılır.
Qeyd edək ki, fevralın 12-dən etibarən DİM-də imtahan materiallarının emalına başlanılacaq.
İmtahan nəticələri 2 mərhələdə elan olunacaq. Yaxın 3 gün ərzində qapalı və cavabları kodlaşdırılan açıq tipli tapşırıqların nəticələri elan olunacaq. Yekun imtahan balı isə xarici dil fənləri üzrə esse tapşırıqları yoxlanıldıqdan sonra - 6 həftə ərzində təqdim olunacaq.