Tətil günlərində müəllimlər məktəbə getməlidir? - AÇIQLAMA
Bu gündən məktəblilərin qış tətili başlayıb. Ümumi təhsil müəssisələrində 2023-2024-cü tədris ili üzrə qış tətili 5 günü əhatə edir.
Maraqlıdır, tətil günlərində müəllimlər məktəbə getməlidirmi?
Sfera.az-ın məlumatına görə, bununla bağlı fikirlərini bölüşən təhsil məsələləri üzrə ekspert Kamran Əsədov deyib ki, müddətsiz müqavilə ilə işləyən bütün müəllimlər, sinif rəhbərləri, UBR, psixoloq, kitabxana müdiri, laborantlar 29, 30, 31 yanvar tarixlərində işdə olmalıdır:
“Müəllimlər üçün tətil anlayışı yoxdur. Müəllim və işçilər üçün iş günü olmayan günlər - əmək məzuniyyəti dövrü, istirahət günləri, iş günü sayılmayan bayram günləri, Ümumxalq hüzn günü və seçki günləridir”.
Ekspert bildirib ki, tətil günlərində müəllimlərin iş saatının uçotu aparılır:
“6 günlük iş rejimi ilə işləyən müəllimlər tətil günlərində 6 saat, 5 günlük iş rejimi ilə işləyən müəllimlər gündə 7 saat məktəbdə iş yerində olmalıdırlar”.
Günay
