Azərbaycanda orta təhsil üçün özəl məktəbləri seçənlərin sayı artıb. Bu da dövlət məktəblərində şagirdlərin sayının azalmasına səbəb olub.

Maraqlıdır, özəl məktəblərə marağın artması nə ilə əlaqəlidir?

Mövzu ilə bağlı Sfera.az-a danışan təhsil eksperti Kamran Əsədov bildirib ki, dövlət orta təhsil məktəbləri ilə müqayisədə özəl məktəblərdə fərqli tədris metodlarından istifadə olunur.

“Azərbaycanda özəl məktəblərin illik təhsil haqqı 7000-50000 manat aralığındadır. Qiymətlər məktəblərin göstərdiyi xidmətlərdən asılı olaraq dəyişir. Özəl məktəblərə marağın artmasının bir sıra səbəbləri var. Valideylər hesab edir ki, hər ay repetitorlara verilən ödənişi illik olaraq özəl məktəblərə vermək daha sərfəlidir. Özəl orta ümumtəhsil müəssisələrində servis və yemək xidmətlərinin olması bu məktəblərə marağı artıran faktorlardandır”.

Ekspert qeyd edib ki,  dövlət məktəblərindən fərqli olaraq burada müəllimlərin  sayı da çoxdur:

“Qəbul imtahanlarının nəticələrinə də baxdıqda görmək olur ki, özəl məktəblərin şagirdləri daha yüksək nəticə göstəriblər”.

Ülkər Abdurahmanlı