Müəllim-şagird ziddiyyətləri – Ekspert səbəblərdən danışdı

Son dövrlər müəllim-şagird münasibətlərində gizlədilməsi mümkün olmayan çatlar və soyuqluq müşahidə olunur. Halbuki şagidlərə diqqət və qayğı ilə yanaşan, onların savadlı bilikli kadr kimi yetişməsində əziyyət çəkən müəllimlərin sayı yetərincədir.

Bəs, müəllim-şagird münasibətlərinin arzulanan səviyyədə olmamasının başlıca səbəbləri nədir?

Mövzu ilə bağlı Sfera.az-a açıqlama verən təhsil eksperti Elşən Qafarov müəllim nüfuzunun zəifləməsinin tendensiyasının bir sıra obyektiv və subyektiv səbəbləri var:

“Müəllimdən asılılığın azalması da bu amillərin arasındadır. İnternet resursları, əlavə kurslar və repetitor hazırlığı məktəb müəllimini bir qədər arxa plana salıb. Digər başlıca amilllərdən biri şagirdlərin davranış qaydalarına uyğun hərəkət etməməsidir. Belə olduğu təqdirdə müəllim şagirdi tənbeh edir. Bu isə şagirdlərdə müəllimə qarşı nifrət hissi yaradır”.

Elşən Qafarov qeyd edib ki, şagird-müəllim münasibətlərinin qaydaya salınması üçün məktəblərdə nizamnamələr qəbul olunmalıdır:

“Bu nizamnamələrin tərkibində şagirdlərin davranış qaydaları, valideylərin məktəblə olan münasbətləri tənzimlənməlidir”.

Ülkər Abdurahmanlı