Tələbələrin köçürülməsi ilə bağlı sənəd qəbuluna başlanılır

Tələbələrin köçürülməsi ilə bağlı sənəd qəbuluna başlanılır

İyulun 25-də saat 11:00-dan tələbələrin köçürülməsi üzrə sənəd qəbulu prosesinə başlanılır.

 

Elm və Təhsil Nazirliyindən Sfera.az-a verilən məlumata görə, tələbələrin ölkə daxilində və xaricdə yerləşən ali təhsil müəssisələrindən köçürülməsi, yaxud ixtisasının dəyişdirilməsi, xarici ölkə ali təhsil müəssisələrindən ölkədaxili ali məktəblərə bərpası, eləcə də ölkəmizdə və xaricdə yerləşən orta ixtisas təhsili müəssisələrinin tələbələrinin köçürülməsi üzrə elektron sənəd qəbulu transfer.edu.az portalı vasitəsilə həyata keçirilir.

 

Portala müraciət edən şəxslər köçürülmək (bərpa olunmaq) istədikləri təhsil müəssisəsini və ya ixtisası seçmək imkanına malikdirlər. Bunun üçün təhsilalanlar tələb olunan məlumatları elektron müraciətlərinə daxil etməklə sorğu göndərə bilərlər.

 

Köçürülmə üçün Dövlət İmtahan Mərkəzi (DİM) tərəfindən keçirilən qəbul imtahanlarında tələbənin topladığı bal qəbul olunduğu ildə köçürülmək istədiyi təhsil müəssisəsində müvafiq ixtisas üzrə minimal keçid balından az olmamalıdır. Bununla yanaşı, tələbənin qəbul olunduğu və köçürülmək istədiyi ixtisaslar DİM tərəfindən müəyyən edilmiş eyni ixtisas qrupu daxilində olmalıdır.

 

Qaydalara əsasən, xarici ölkələrin akkreditə olunmayan təhsil müəssisələri tələbələrinin və digər ölkələrdə qiyabi təhsil alan şəxslərin köçürülməsinə icazə verilmir. Bununla yanaşı, tələbənin təhsil aldığı ali təhsil müəssisəsinin dünyanın ən yaxşı universitetlərinin reytinq siyahısında olması da nəzərə alınan göstəricilər sırasındadır. Bir ali təhsil müəssisəsindən digərinə köçürülən, ixtisasını dəyişən və tələbələr sırasına bərpa olunan şəxslər (dövlət sifarişi əsasında təhsil alanların eyni ixtisas üzrə köçürülməsi istisna olmaqla) təhsillərini yalnız ödənişli əsaslarla davam etdirirlər.

 

Sənəd qəbulu 31 iyul saat 23:59-dək davam edəcək.

 

Proseslə bağlı əlavə məlumat əldə etmək üçün Elm və Təhsil Nazirliyinin 146-6 Çağrı Mərkəzi və ya rəsmi "Whatsapp" xidməti ilə (+994 51 206 78 48) əlaqə saxlamaq mümkündür.


OXŞAR XƏBƏRLƏR

Futbol meydanında qeyri-adi hadisə - Oyun yarımçıq dayandırıldı - VİDEO

Hindistan Super Kubokunun Inter Kaşi ilə Mumbai Siti komandaları arasında keçirilən qarşılaşması qeyri-adi hadisə ilə yadda qalıb. Oyunun gedişində top tribunal...

Avtomobil nömrə nişanları 3 hərf və 4 rəqəm kombinasiyasına keçə bilər? – AÇIQLAMA

Azərbaycanda avtomobillərin dövlət qeydiyyat nişanları uzun illərdir mövcud olan standartlara əsasən verilir. Hazırda istifadə olunan format iki rəqəm (region k...

"ABB mobile" tətbiqi daha da etibarlı oldu

"ABB" yeni təhlükəsizlik tədbirləri ilə "ABB mobile" tətbiqinin etibarlılığını maksimum səviyyəyə yüksəldir. Müştərilərin vəsaitlərinin təhl...

“WhatsApp” istifadəçilərinə böyük yenilik - Artıq mümkün olacaq...

  Mobil versiyada mövcud olan səsli və video zəng funksiyası artıq "WhatsApp"ın veb versiyasında da əlçatan olacaq.   Sfera.az x...

Mayın ilk günü Bakıda 20 dərəcə isti olacaq

Mayın 1-də gözlənilən hava şəraiti açıqlanıb.   Sfera.az xəbər verir ki, bu barədə Milli Hidrometeorologiya Xidməti məlumat yayıb.   ...

Leyla çənəsini "uzatdı", görün nə hala düşdü - FOTO

Aparıcı Leyla Mustafayeva izləyicilərini təəccübləndirib.   Sfera.az  xəbər verir ki, o, etdirdiyi kosmetoloji prosedurdan görüntü paylaşıb...