Azərbaycanda özəl bağçaların sayı artır - STATİSTİKA

Azərbaycanda məktəbəqədər təhsil müəssisələrinin sayı 2021-ci ildə də artıb. 

Sfera.az xəbər verir ki, ötən il özəl bağçaların sayı 137 ədədə yüksəlib. Xatırladaq ki, bir il əvvəl 134 bağça var idi. 

Son illərdə isə özəl bağçaların sayında sürətli artım var. 2016-ci illə müqayisədə özəl bağçaların sayı 71 ədəd artıb.

Özəl bağçaların sayı artmaqla bərabər burada təhsil alanların da sayında artım var. 2016-cı ildə 2400 uşaq bu bağçalarda təhsil aldığı halda, ilin əvvəlində onların sayı 5500 nəfərə yüksəlib. 

Özəl bağçaların yalnız ikisi kənd yerlərindədir, qalanı şəhərlərdə fəaliyyət göstərir. Kənd yerlərində olan özəl bağçalarda təxminən 1000 uşaq təhsil alır.  

Ümumilikdə, ölkəmizdə olan məktəbəqədər təhsil müəssisələrinin sayı 1828 ədəddir. Onların 1691 ədədi dövlət, 137 ədədi özəldir. 

Bu müəssisələrdə 125,3 min uşaq təhsil alır ki, onun da 119,8 mini dövlətdə, qalanı özəldədir. 

Vasif,
Sfera.az