Təhsil eksperti Kamran Əsədovun son açıqlaması səs-küyə səbəb olub.

Sfera.az bildirir ki, ekspertin “Boşanmış qadınlar bağçaya işə götürülməməlidir”, fikri sosial mediada birmənalı qarşılanmayıb. Belə ki, K.Əsədov yerli mediaya açıqlamasında Təhsil Nazirliyinin Ümumtəhsil şöbəsinin məktəbəqədər təhsil sektorunun müdiri İlahə Rəsulovanın uşaq bağçalarına direktorların təyin edilməsi üzrə qiymətləndirmə çərçivəsinin hazırlandığı barədə səsləndirdiyi fikrinə münasibət bildirərkən, “Boşanmış, övladı vəfat etmiş şəxsləri bu vəzifəyə, ümumiyyətlə işə cəlb etmək olmaz. Uşaq bağçalarında bəzən aqressiv halların da şahidi oluruq. Onlar feyskontroldan keçirilməlidirlər. Uşaq bağçalarına müəllimləri yalnız bu prosesdən sonra cəlb etməliyik”, deyə söyləyib. Bu da sosial şəbəkələrdə əksəriyyətin qəzəbinə zəmin yaradıb.

İstifadəçilərin bir çox eksperti sərt tənqid edib. Onlar boşanmış qadınların da işə cəlb edilməli, Əsədovun səsləndirdiyi fikrin kökündən yanlış olduğunu vurğulayıblar.

Həmin paylaşımları təqdim edirik: