Bu il ali məktəblərə qəbul qaydaları belə olacaq
Təhsil
15:53 / 02.02.2021
1508
2021-2022-ci tədris illi üzrə ali təhsil müəssisələrinə tələbə qəbulu qaydaları açıqlanıb.
Sfera.az-ın məlumatına görə, ali təhsil müəssisələrinə qəbul olmaq hüququna tam orta, orta ixtisas və ya ali təhsili başa vurmaq haqqında müvafıq dövlət nümunəli sənəd almış şəxslər malikdirlər.
Ali təhsil müəssisələrinin bakalavriat səviyyəsinə müvafıq ixtisaslar üzrə subbakalavrların qəbulu Nazirlər Kabineti tərəfındən müəyyən olunmuş qaydada həyata keçirilir.
Ali və orta ixtisas təhsili müəssisələrinin tələbələri (buraxılış kurslannda təhsil alanlar istisna olmaqla) ali təhsil müəssisələrinə qəbul olmaq üçün müsabiqədə iştirak edə bilməzlər.
Ali təhsil müəssisələrinə qəbul imtahanlarının birinci mərhələsinin (buraxılış imtahanlarının) nəticəsi 2 il qüvvədə qalır. Bu nəticələr şagirdə cari və növbəti tədris illərində ali təhsil müəssisələrinə keçirilən tələbə qəbulu müsabiqəsində iştirak etmək hüququ verir.
Qəbul imtahanlarının ikinci mərhələsinin nəticələri 1 il qüvvədə olur. Qəbul imtahanları hər tədris ilində iki dəfə - yaz və yay sessiyaları şəklində keçirilir.
Abituriyent hər sessiyada istədiyi ixtisas qrupu üzrə yalnız bir imtahanda iştirak edə bilər. I-IV ixtisas qrupları üzrə qəbul imtahanında iştirakından asılı olmayaraq, abituriyent V ixtisas qrupu üzrə də imtahanda iştirak edə bilər.
Qəbul imtahanının ikinci mərhələsində abituriyentlərə hər fənn üzrə 30 olmaqla, ümumilikdə 90 tapşırıq təqdim edilir. Qəbul imtahanının ikinci mərhələsində abituriyentbrin toplaya biləcəyi maksimal bal nisbi əmsalı 1,5 olan fənlər üzrə 150 bal, nisbi əmsalı 1 olan fənlər üzrə 100 bal olmaqla, cəmi 400 baldır. İmtahanın davametmə müddəti 3 saatdır.
Qəbul imtahanlarında əlilliyi olan şəxslərin iştirakının təmin edilməsi üçün DİM tərəfindən əlverişli şərait yaradılır. I qrup gözdən əlilliyi olan abituriyentlərə fərdi nəzarətçi təyin edilir və onlar üçün imtahanın davametmə müddəti hər mərhələdə 1 saat artırılır.
Ali təhsil müəssisələrinə qəbul olmaq üçün ixtisas seçimi abituriyentlərin bütün ixtisas qruplanna imtahan nəticələri elan olunduqdan sonra apanlır.
Təhsilalma formasından asılı olmayaraq, hər hansı bir ixtisasa yerləşdirilmiş abituriyent tələb olunan sənədləri 10 gün müddətində qəbul olduğu təhsil müəssisəsinə təqdim etməklə qeydiyyatdan keçməlidir.
