Bu platformalar VPN-siz işləməlidir - Emin Əmrullayev
Təhsil
11:18 / 30.10.2020
2576
Son iki həftədə onlayn dərslərin keçirilməsi üçün müəyyən hazırlıqlar görülüb, "teams", "zoom" platformalarının daha işlək olması üçün aidiyyəti qurumlarla iş aparılır.
Sfera.az xəbər verir ki, bunu Təhsil naziri Emin Əmrullayev bu gün keçirdiyi brifinqdə deyib.
Onun sözlərinə görə, təxminən 10 gün ərzində vəziyyət təhlil edilib və bütün məktəblərdə onlayn dərslərin keçirilməsi barədə qərar verilib: "Təbii ki, bu qərarın icrasında müəyyən çətinliklər olacaq. Qarşıdakı bir neçə həftədə dərslər onlayn olacaq. Onlayn təhsil hazırda daha məqbul hesab edilir.
Nazir bildirib ki, təqdim olunan "zoom", "teams" proqramları VPN-lə işləsə, müəyyən problemlər yarana bilər. Ona görə də bu platformalar VPN-siz işləməlidir.
