Məktəblilər üçün geyimlər necə alınacaq?
![Məktəblilər üçün geyimlər necə alınacaq?](https://sfera.az/photo/orginal/2020/08/29/206527.jpg)
"Məktəblərin açılması ilə əlaqədar valideynlər alış-veriş üçün yarmarkalardan istifadə edə bilərlər”.
Sfera.az xəbər verir ki, bunu Nazirlər Kabineti yanında Operativ Qərargahın brifinqində Prezident Administrasiyasının Xarici siyasət məsələləri şöbəsinin müdiri Hikmət Hacıyev bildirib.
O, qeyd edib ki, bunun üçün əvvəlki illərdəki təcrübələrdən istifadə oluna, müəyyən yarmarkalar təşkil oluna bilər: "Valideynlər uşaqlarının tədrisi ilə bağlı alış-verişi həmin yarmarkalarda edə bilərlər. Amma bu, heç bir halda inkar etmir ki, böyük ticarət mərkəzlərinin açılması ilə əlaqədar qərarlar olmayacaq. Bu məsələ əlavə bir müzakirə mövzusudur”.
H. Hacıyev həmçinin əlavə edib ki, atılan addımlar mərhələli xarakter daşıyır və ehtiyatla atılır: "Burada tələskənliyə yol vermək olmaz. Ticarət mərkəzləri ilə bağlı məsələ də müzakirə olunacaq və bundan sonra onlarla bağlı qərar veriləcək”.