Azərbaycan məktəbliləri biologiya üzrə olimpiadada bir qızıl, üç gümüş medal qazanıblar
Təhsil
18:00 / 25.08.2020
4038
Azərbaycan məktəbliləri pandemiya səbəbi ilə onlayn rejimdə keçirilən 31-ci IBO Challenge 2020 Beynəlxalq biologiya olimpiadasında uğurla iştirak ediblər.
Sfera.az Təhsil Nazirliyinə istinadla xəbər verir ki, müsabiqənin nəticələrinə görə Sumqayıt şəhər 15 nömrəli tam orta məktəbin 10-cu sinif şagirdi Mətin Muradlı qızıl medal, kimya və biologiya təmayüllü liseyin 10-cu sinif şagirdləri Asiman Ziyadinov və Sadiyar Qafarov, eləcə də Bakıdakı 102 nömrəli məktəbin 10-cu sinf şagirdi Ranal Qurbanov gümüş medallar qazanıblar.
Ümumiyyətlə, bu olimpiadada 1994-cü ildən bəri Azərbaycan məktəbliləri üç qızıl, doqquz gümüş və 12 bürünc medal qazandılar.
Qeyd edək ki, 7-12 avqustda keçirilən IBO Challenge 2020-də 52 ölkədən 200 məktəbli iştirak edib.
