Teledərslərin bazar gününə olan cədvəli açıqlandı - FOTO
Təhsil
16:30 / 23.05.2020
3740
"Mədəniyyət” və "ARB Günəş" kanallarında yayımlanan "Dərs vaxtı” və peşə təhsili ilə bağlı verilişinin mayın 24-ü üçün nəzərdə tutulan cədvəli açıqlanıb.
Sfera.az xəbər verir ki, Təhsil Nazirliyi dərs cədvəlinə diqqət etməyi, dərsi "Dərs vaxtı”nda öyrənməyi tövsiyə edir.
Qeyd edək ki, martın 11-dən başlayaraq Təhsil Nazirliyinin təşkilatçılığı ilə "Mədəniyyət” və "ARB Günəş" kanallarında "Dərs vaxtı" proqramının yayımına start verilib. Proqram çərçivəsində həftənin 5 günü teledərslər keçirilir. Teledərslər bütün sinifləri əhatə edir, dərs mövzularına dair qısa izah və təlimatlar təqdim olunur.
"Dərs vaxtı”na ekran qarşısında baxa bilməyənlər keçirilmiş dərsləri Təhsil Nazirliyinin rəsmi "Youtube" (//www.youtube.com/playlist…) kanalı ilə yanaşı "Facebook" səhifəsindən, eyni zamanda "Təhsil" televiziyasının "Facebook" səhifəsindən, həmçinin Təhsil Nazirliyinin videodərslər portalından (//video.edu.az/) izləmək imkanı əldə edə bilərlər.
