Sfera.az bildirir ki, uzun müddət polis mühafizəsi altında yaşayan və müğənnilik etdiyi üçün "Taliban"ın hədəfinə çevrilən Aryana Sayed Əfqanıstandan qaçaraq Qətərə gəlib.

İfaçı sosial media hesabında bu barədə paylaşım edib. 36 yaşlı Sayeed izləyicilərinə həyatda qaldığını və yaxşı olduğunu deyib. 

 

"Unudulmaz bir neçə gecədən sonra Qətərin Doha şəhərinə çatdım. İstanbula gedən təyyarəni gözləyirəm. Sizinlə bölüşmək üçün çoxlu hekayələrim var" , - deyə o əlavə edib.

Müğənni daha sonra İstanbula yola düşən təyyarədən də görüntü paylaşıb.