Tağı Əhmədovun 3 milyon pulu "batdı"?

Tağı Əhmədovun 3 milyon pulu
Sabiq milli təhlükəsizlik naziri Eldar Mahmudovun əmisi oğlu Vüqar Mahmudovun cinayət işində 7 nəfər zərərçəkmiş şəxs qismində tanınıb.

Həmin zərərçəkmişlərdən biri Bakı Metropoliteninin sabiq rəisi Tağı Əhmədovdur.

Qeyd edək ki, Tağı Əhmədov bundan əvvəl ləğv edilmiş Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarov, MTN-in Energetika və Nəqliyyat Sahələrində Təhlükəsizlik Baş İdarəsinin sabiq işçisi, polkovnik Səlim Məmmədov, MTN-in sabiq idarə rəisi, mayor Akif Əliyev və keçmiş şöbə rəisi Orxan Osmanovun cinayət işində də zərərçəkmiş şəxs qismində tanınıb.

Akif Çovdarov və digərlərinin barəsində olan hökmdə Tağı Əhmədovun mülki iddiası baxılmamış saxlanılıb.

Xatırladaq ki, iş üzrə zərərçəkmişdən MTN-nin sabiq əməkdaşları hədə-qorxu yolu ilə Tağı Əhmədovdan 3 milyon manat alıb.

Qeyd edək ki, Vüqar Mahmudovun barəsində olan cinayət işi baxılması üçün Bakı Hərbi Məhkəməsinə göndərilib.

Cinayət işi baxılması üçün hakim Elbəy Allahverdiyevin icraatına verilib.

Yaxın günlərdə məhkəmənin hazırlıq iclasının vaxtı məlum olacaq.

Ləğv edilmiş Milli Təhlükəsizlik Nazirliyi Antiterror Mərkəzinin şöbə rəisinin müavini vəzifəsində işləmiş və faktiki olaraq nazirin köməkçisi funksiyasını həyata keçirmiş polkovnik-leytenant Vüqar Mahmudov həmin nazirliyin vəzifəli şəxsləri barəsində Baş Prokurorluğun Ağır Cinayətlərə dair işlər üzrə istintaq idarəsində istintaq olunan cinayət işi üzrə təqsirləndirilən şəxs qismində cəlb edilib.

Vüqar Mahmudova Cinayət Məcəlləsinin 179.3.1-ci (mütəşəkkil dəstə tərəfindən mənimsəmə və ya israf etmə), 179.3.2-ci (külli miqdarda mənimsəmə və israf etmə), 182.3.1-ci (külli miqdarda əmlak əldə etmək məqsədi ilə hədə-qorxu yolu ilə tələb etmə), 182.3.2-ci (külli miqdarda əmlak əldə etmək məqsədi ilə hədə-qorxu yolu ilə tələb etmə), 302.2-ci (eyni əməllər gizli qaydada informasiya alınması üçün nəzərdə tutulmuş texniki vasitələrdən istifadə edilməklə törədildikdə), 341.2.1-ci (bir qrup şəxs tərəfindən, ağır nəticələrə səbəb olmaqla hakimiyyətdən sui-istifadə etmə), 302.2-ci (əməliyyat-axtarış fəaliyyəti haqqında qanunvericiliyi pozma, eyni əməllər gizli qaydada informasiya alınması üçün nəzərdə tutulmuş texniki vasitələrdən istifadə edilməklə törədildikdə), 313-cü (vəzifə saxtakarlığı) və 341.2.3-cü (hakimiyyətdən sui-istifadə etmə, hakimiyyət həddini aşma və ya hakimiyyətdən istifadə etməmə, ağır nəticələrə səbəb olduqda) maddələri ilə ittiham elan olunub.

Vüqar Mahmudovun barəsində 2017-ci ilin noyabrın da həbs edilib.

Cinayət işi üzrə 7 nəfər zərərçəkmiş şəxs qismində tanınıb.

Bunlar iş adamları - Sahib Qurbanov, Elşən Tağıyev, Maqsud Mahmudov, Tural İsgəndərli, Şövqü Əhmədov, Tağı Əhmədov, Zaur Əzimovdur.

Vüqar Mahmudov Eldar Mahmudovun əmisi oğludur.Axar.az

OXŞAR XƏBƏRLƏR

Azərbaycanda koronavirusla bağlı yalan məlumat yayan qadın həbs olunub

"What’s app” sosial şəbəkə istifadəçisi olan bir qadın həmin şəbəkə vasitəsi ilə "Koronavirus” pandemiyası ilə əlaqədar guya Şəmkir rayonu ərazisində vəziyyə...

Gənc qız burun əməliyyatında öldü

Qax rayonunda xəstəxanada ölüm hadisəsi baş verib. Sfera.az xəbər verir ki, hadisə Qax rayon Mərkəzi Xəstəxanasında baş verib. Balakən rayon sakini, ...

Nardaran sakini silahını polisə təhvil verdi

Nardaran sakinindən odlu silah götürülüb. Sfera.az xəbər verir ki, bu barədə unikal.org-a Daxili İşlər Nazirliyinin (DİN) Mətbuat Xidmətindən məlumat verilib. ...

Azərbaycan əsgəri həlak olub

Bu gün saat 05:40 radələrində "Qazax” əlahiddə sərhəd diviziyasının Qazax rayo­nu­­­nun Daş Salahlı kəndi ya­xın­lığındakı sərhəd döyüş məntəqəsində xidmət...

“Veysəloğlu” şirkətinin gizli anbarı aşkar olundu

Təxminən bir ay əvvəl Sabunçuda İqtisadiyyat Nazirliyi tərəfindən "Veysəloğlu” şirkətinin gizli ərzaq deposu aşkarlanıb. İndex.az xəbər verir ki, bu b...

Hacıqabulda daha bir zəlzələ

AMEA nəzdində Respublika Seysmoloji Xidmət Mərkəzi məlumat yayıb. Sfera.az xəbər verir ki, yerli vaxtla saat 08:22-də Qobustan stansiyasından 32 km cənub-q...