Sfera.az bildirir ki, bu barədə ABŞ Dövlət Departamentinin mətbuat xidmətinin rəhbərinin müavini Robert Palladinonun bəyanatında deyilir.

Bəyanatda bildirilir: "2019-cu il martın 4-ü ABŞ Qüdsdəki Baş konsulluğu ABŞ-ın Qüdsdəki səfirliyi ilə birləşdiriləcək. Vahid diplomatik missiya yaradılacaq".

Qeyd edilir ki, bu qərar ABŞ-ın xarici siyasət kursunda hər hansı bir dəyişikliyin olduğunu göstərmir: "Bu, ABŞ-ın Qüds, Qərb sahili və Qəzza zolağı üzrə siyasətinin dəyişməsi demək deyil.Prezidentin bildirdiyi kimi, Birləşmiş Ştatlar bundan sonrada yekun status, həmçinin ayırıcı xətlər və sərhədlər haqqında məsələ üzrə mövqey tutmayacaq".