Azərbaycanda Dövlət Qulluğu Məcəlləsi qəbul edildi

Kateqoriya məlum deyil16.10.26, 11:21

Milli Məclis Dövlət Qulluğu Məcəlləsinin layihəsini üçüncü oxunuşda qəbul edib.

Sfera.az xəbər verir ki, layihə parlamentin payız sessiyasının bugünkü plenar iclasında müzakirəyə çıxarılıb.

Yeni məcəllənin hazırlanmasında məqsəd dövlət qulluğu sahəsində qanunvericiliyi təkmilləşdirmək, mövcud normaları sistemləşdirmək və müasir insan resurslarının idarə edilməsi mexanizmlərini tətbiq etməkdir.

Hazırda dövlət qulluğu ilə bağlı münasibətlər “Dövlət qulluğu haqqında” Qanun və digər normativ hüquqi aktlarla tənzimlənir. Yeni məcəllə isə bu sahədə hüquqi, təşkilati və maliyyə-iqtisadi əsasların vahid normativ aktda birləşdirilməsini nəzərdə tutur.

Məcəllə Ümumi və Xüsusi hissələrdən, 5 bölmə, 15 fəsil və 94 maddədən ibarətdir. Sənəddə dövlət qulluğunun idarə olunması, dövlət orqanlarının və vəzifələrinin təsnifatı, dövlət qulluqçularının hüquq və vəzifələri, qulluq stajı və ixtisas dərəcələri ilə bağlı məsələlər əksini tapıb.

Bundan başqa, dövlət qulluğuna qəbul, müsabiqə və müsahibələrin keçirilməsi, vəzifəyə təyinat, stajorluq və sınaq müddəti, rotasiya, xidməti fəaliyyətin qiymətləndirilməsi, vəzifədə irəliləyiş, peşəkar inkişaf, əməkhaqqı və digər təminatlar, məzuniyyət, etik davranış, intizam məsuliyyəti və dövlət qulluğuna xitam verilməsi qaydaları da məcəllə ilə tənzimlənəcək.

Yeni məcəllənin qüvvəyə minməsi ilə “Dövlət qulluğu haqqında” Qanunla yanaşı, dövlət qulluqçularının iş vaxtı, əməkhaqlarına əmsalların tətbiqi, Dövlət Qulluğunu İdarəetmə Şurası və etik davranış qaydaları ilə bağlı bir sıra qanunların da qüvvədən düşməsi nəzərdə tutulur.

Digər normativ hüquqi aktların məcəlləyə uyğunlaşdırılması üçün keçid mexanizmi müəyyən edilib. Həmin aktlar yeni məcəlləyə uyğunlaşdırılanadək yalnız onun müddəalarına zidd olmayan hissədə tətbiq ediləcək.

Eyni zamanda, qüvvədə olan qanunvericilik əsasında verilmiş və etibarlılıq müddəti başa çatmamış dövlət qulluğu sertifikatlarının hüquqi qüvvəsi saxlanılacaq. Belə sertifikata malik şəxslər sənədin qüvvədə olduğu müddətdə yeni məcəlləyə əsasən keçirilən müsahibələrdə iştirak edə biləcəklər.

Məcəlləyə əlavə edilən sənədlər sırasında vəzifə təlimatının, stajorluq və sınaq müddəti ilə bağlı, eləcə də dövlət qulluğuna daimi əsaslarla təyin edilən şəxslərlə bağlanan əmək müqavilələrinin nümunəvi formaları, müsahibədə iştirak üçün müraciət forması və dövlət qulluqçusunun andının mətni də yer alır.

Qeyd edək ki, Dövlət Qulluğu Məcəlləsinin hazırlanması “Azərbaycan Respublikasının 2022–2026-cı illərdə sosial-iqtisadi inkişaf Strategiyası”nda nəzərdə tutulub. Layihə Prezident tərəfindən qanunvericilik təşəbbüsü qaydasında Milli Məclisin müzakirəsinə təqdim edilib.

Bəsti Rəfizadə

Sfera.az

PAYLAŞ

Kamaləddin Qafarov: “Azərbaycan özünün əməkdaşlıq coğrafiyasını daim genişləndirir”

“Qlobal iqtisadiyyatın inkişafı dövlətlər arasında əlaqələrin keyfiyyətindən, nəqliyyat marşrutlarının etibarlılığından və yeni texnologiyaların tətbiq imkanlarından getdikcə daha çox asılı olur.”Bu fikir Milli Məclisin deputatı Kamaləddin Qafarovun mətbuata açıqlamasında yer alıb.O, bildirib ki, bu şəraitdə coğrafi mövqeyini real iqtisadi üstünlüyə çevirə bilən ölkələr beynəlxalq əməkdaşlıq sistemində daha fəal rol oynayırlar. “Bakıda keçirilən AQEM-in 7-ci Z

Siyavuş Novruzov: "Bu yalnız bələdiyyələrin adlarının dəyişdirilməsi ilə bağlı deyil"

Tarixi toponimlərin bərpası və coğrafi adların milli kimliyə uyğunlaşdırılması ilə bağlı təkliflər irəli sürülüb.Sfera.az xəbər verir ki, bu barədə danışan Milli Məclisin deputatı Siyavuş Novruzov parlamentdə çıxışı zamanı Azərbaycan dövlətçiliyinin möhkəmləndirilməsi, milli-mənəvi dəyərlərimizin qorunması və tarixi irsimizin gələcək nəsillərə

Milli Məclis İlham Əliyev və Mehriban Əliyevanı təbrik etdi

18 Oktyabr Azərbaycanın Müstəqilliyinin Bərpası Günü münasibətilə Milli Məclis tərəfindən dövlət rəhbərliyinə təbrik ünvanlanıb. Sfera.az xəbər verir ki, bu barədə Milli Məclisin sədri Sahibə Qafarova bildirib. “Bu məktubla onları təbrik edək və gələcək işlərində onlara yeni-yeni uğurlar arzu edək” ,– spiker bildirib. Təklif deput

Milli Məclisin plenar iclası başladı

Milli Məclisin payız sessiyasının növbəti plenar iclası başlayıb.Sfera.az xəbər verir ki, iclasın gündəliyinə 12 məsələ daxil edilib. İclasın gündəliyinə daxil edilən məsələlər aşağıdakılardır:1. “Azərbaycan Respublikası Dövlət Qulluğu Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə haqqında” Azərbaycan Respubli

Cavanşir Feyziyev: Bakı ilə Ankara arasındakı münasibətlərə heç bir qüvvə xələl gətirə bilməz

Milli Məclisin deputatı Cavanşir Feyziyev Media Türk TV-yə müsahibəsində Azərbaycan-Türkiyə münasibətlərinin sarsılmaz xarakterindən danışıb.Sfera.az xəbər verir ki, deputat vurğulayıb ki, Bakı ilə Ankara arasındakı qardaşlıq və strateji müttəfiqlik münasibətlərinə heç bir qüvvə xələl gətirə bilməz. Onun sözlərinə görə, hər bir dövlət məmuru və deputat öz a

Tramp: İranda bu obyektə zərbə endirəcəyik

ABŞ Prezidenti Donald Tramp İrana qarşı nüvə silahından istifadə etməyəcəyini və buna ehtiyac olmadığını bildirib. Sfera.az xəbər verir ki, Tramp İranın yeraltı nüvə obyektlərinə, o cümlədən “Pickaxe Mountain” adlı ehtimal olunan obyektə yeni zərbələrin endirilə biləcəyini deyib. O, əməliyyat üçün ABŞ quru qoşunlarının göndərilməsini gözləmədiyini vurğulayıb. T