Deputat: "Dövlət əmlakını oğurlayanlar barədə məlumat ötürənlərə "işverən" deyirdilər"
"Cəmiyyətimizdə sovet dövründən qalma stereotiplər var. Belə ki, SSRİ-nin dağılması ərəfəsində dövlət əmlakını mənimsəmə artıq ictimai qınağa səbəb olmurdu. Bu baxımdan, dövlət əmlakını oğurlayanlar barədə məlumat ötürənlərə də "işverən" deyirdilər".
Sfera.az xəbər verir ki, bunu Milli Məclisin Müdafiə, təhlükəsizlik və korrupsiya ilə mübarizə və Hüquq siyasəti və dövlət quruculuğu komitələrinin birgə iclasında deputat Qüdrət Həsənquliyev parlamentdə "Korrupsiya ilə əlaqədar hüquqpozmalarla bağlı məlumat verən şəxslərin həvəsləndirilməsi və müdafiəsi haqqında" qanun layihəsinin müzakirəsi zamanı deyib.
O bildirib ki, ölkəmizdə bu stereotipləri dağıtmaq lazımdır:
"Nəzərə almalıyıq ki, korrupsiya biznes mühitini korlayır, ölkənin sürətli iqtisadi inkişafının qarşısında böyük bir maneəyə çevrilir. Ona görə də, bu layihənin indi təqdim olunması çox təqdirəlayiqdir.
