Qırğızıstanda növbəti prezident seçkiləri bu tarixdə olacaq
Kateqoriya məlum deyil
T
Qırğızıstanda növbəti prezident seçkiləri 2027-ci il yanvarın 27-nə təyin olunub.
Sfera.az xəbər verir ki, bu barədə Qırğızıstan Joqorku Keneşinin sədri Marlen Mamataliyev bildirib.
O qeyd edib ki, qanunvericiliyə əsasən, prezident seçkiləri 2027-ci ilin yanvar ayının son bazar günü keçirilməlidir.
“Bu gün seçki ilə bağlı qanun layihəsini qəbul etdik, ona əsasən, seçkilər 2027-ci il yanvarın son çərşənbə günü, yəni yanvarın 27-də keçiriləcək. Bu qanun layihəsinin məqsədi kvorumu və seçici fəallığını artırmaqdır. Bildiyiniz kimi, Bişkekdə seçki fəallığı adətən çox aşağıdır - 15 faizdən çox deyil”, - Mamataliyev əlavə edib.
Spiker vurğulayıb ki, prosedura əsasən, prezident müvafiq qanun layihəsini imzalamalı və seçki tarixini təsdiqləməlidir.