Gürcüstanda əhaliyə xəbərdarlıq edildi: Daşqın təhlükəsi var
Kateqoriya məlum deyil
T
“Georgian Water and Power” şirkəti güclü yağışlar və daşqın ehtimalı ilə əlaqədar əhaliyə müraciət edib.
Sfera.az xəbər verir ki, əsasən Mtsxeta-Mtianeti bölgəsinin əhalisinə ünvanlanan müraciətdə deyilir:
"Güclü yağışlar nəticəsində Jinvali su anbarında suyun həcmi artıb. İyunun 18-dən etibarən Aragvi çayının yatağında su axınının artması gözlənilir. Xahiş edirik, bu dövrdə Aragvi çayının yatağı boyunca hərəkət edərkən xüsusi diqqətli olun".
Məlumat üçün qeyd edək ki, 2015-ci ildən bəri Gürcüstanda yağan güclü yağışlar nəticəsində bir neçə dəfə daşqınlar və torpaq sürüşməsi baş verib.
Təbii fəlakətlər onlarla insanın həyatına son qoyub, infrastruktura ciddi ziyan vurub.